Wednesday, June 21, 2006

ശുക്രദശ !!

പതിവില്ലാതെ ഇടതുകണ്ണു തുടിച്ചപ്പോള്‍ ഭയങ്കര സന്തോഷമായെനിയ്ക്ക്‌. ഇഷ്ടമുള്ളതെന്തോ നടക്കാന്‍ പോകുന്നു.വലതുകണ്ണായിരുന്നെങ്കില്‍ ഇതൊക്കെ അന്ധവിശ്വാസം എന്നു തള്ളിക്കളയാമായിരുന്നു, ഇതങ്ങനെ പറ്റില്ലല്ലൊ.എന്നാലും എന്തായിരിക്കും? അമ്മാവന്റെ കല്യാണമെങ്ങാന്‍ ശരിയായിക്കാണുമോ.. അതോ അനിയനു വേറെ ജോലി ശരിയായിക്കാണുമോ? എവിടെയെങ്കിലും എന്റെ റെസ്യുമെ ഒന്നു ഫോര്‍വേഡു ചെയ്യാമായിരുന്നു. ഇപ്പോള്‍ ശുക്രദശയാണു താനും. പറഞ്ഞിട്ടെന്തു ഫലം?

അങ്ങനെ ഉച്ച കഴിഞ്ഞുള്ള നേരമായതുകൊണ്ട്‌ ഞാനിങ്ങനെ ഒരോരോ ചിന്തകളുമതിനിടയില്‍ ബ്ലൊഗിങ്ങും.. ടെന്നീസ്‌ കോര്‍ട്ടിലെ കളിക്കാരിയെപ്പോലെ എവിടെനിന്നു വരുന്നു എന്നുനോക്കി നോക്കി റെസ്റ്റില്ലാതെ... ചാറ്റിങ്ങും.. അതും നാലു പേരോടു ഒരേ സമയം..


അതിനിടയില്‍ എപ്പോഴോ എനിയ്ക്കു ആവശ്യത്തില്‍ കൂടുതല്‍ റെസ്റ്റു കിട്ടുന്നതു പോലെ തോന്നി. എന്തു പറ്റിയോ ആവോ? എല്ലാവരുടേയും ചോദ്യം നിലച്ചോ?. സൂക്ഷിച്ചൊന്നു നോക്കിയപ്പോള്‍ കുട കിട്ടിയില്ലെങ്കിലും പിടി കിട്ടി, നോക്കുമ്പോഴൊക്കെ ചിരിച്ചോണ്ടിരിക്കുന്ന യാഹൂ അമ്മാവന്‍ മുഖം മുഴുവന്‍ ബാന്‍ഡേജിട്ടതു പോലെ വെളുത്തു... വെളുത്തു തുടുത്തിരുന്ന ഗൂഗിള്‍ ചേട്ടനാണെങ്കില്‍ മുഖം കറുപ്പിച്ചുപിടിച്ചിരിക്കുന്നു. അപ്പോള്‍ അതാണു കാര്യം.. ഇന്റെര്‍നെറ്റ്‌ ഞാന്‍ പോലും അറിയാതെ.. എന്നോടൊരു വാക്കു പോലും പറയാതെ.. എന്നെ വിട്ടു പോയിരിക്കുന്നു...

അങ്ങനെ വിട്ടാല്‍ പറ്റില്ലല്ലൊ, എനിക്കറിയാവുന്ന തരികിടകളൊക്കെ ചെയ്തുനോക്കി, നോ... രക്ഷ. കെടും ഓഫാവും, കെടും ഓഫാവും എന്നു പറഞ്ഞുകൊണ്ടു.. ഒരു സെക്കന്റു നേരത്തെയ്ക്കു വരും.ഇനിയിപ്പോള്‍ നെറ്റ്‌ അഡ്മിനെ തന്നെ വിവരമറിയിച്ചേക്കാമെന്നു കരുതി ഫോണെടുത്തപ്പോള്‍ ഡയല്‍ ടോണിനു പകരം ഫയര്‍ അലാം പോലെയൊരു ശബ്ദം. കുറച്ചു നേരത്തേയ്ക്കു ജനജീവിതം സ്തംഭിച്ചു പോയി. ഇനി ആകെ ആശ്രയം ടി വി മാത്രം.

കഴിഞ്ഞ ദിവസം ലൈബ്രറിയില്‍ നിന്നെടുത്ത, സിനിമയൊക്കെ ഇട്ടു, അതില്‍ തന്നെ മുഴുകി ഇരിക്കുമ്പോള്‍ കേട്ടു വാതിലില്‍ സാമാന്യം നല്ലൊരു മുട്ടല്‍. നല്ല പാതിയാണെങ്കില്‍ വരാന്‍ നേരമായിട്ടില്ല. പിന്നെ ആരാണാവോ ഇത്ര അധികാര ശബ്ദത്തില്‍?

എന്തായാലും രണ്ടും കല്‍പ്പിച്ചു വാതില്‍ചെയിന്‍ ഒക്കെ ഇട്ടു തുറന്നു.പുറത്ത്‌.. നെവിബ്ലൂ യൂണീഫോമില്‍ രണ്ടു പോലീസുകാര്‍. ഇവരെന്താണോ ഇവിടെ? ഈ ബില്‍ഡിങ്ങില്‍ എന്തെങ്കിലും കുഴപ്പം? അതോ എന്തെങ്കിലും വിവരം പറയാന്‍ വീടു മാറി..പക്ഷേ.. എന്നെ എതിരേറ്റതു..

"നിങ്ങള്‍ 911 വിളിച്ചിരുന്നോ?"

ഞാനോ? ഏയ്‌.. ഞാനാ ടൈപ്പൊന്നുമല്ല എന്നു മനസ്സില്‍ പറഞ്ഞുകൊണ്ടു ഞാന്‍, "ഇല്ലല്ലൊ" എന്നു മൊഴിഞ്ഞു.

എന്നാലിനി പോവ്വായില്ലേ എന്ന നോട്ടത്തോടെ വാതിലടയ്ക്കാന്‍ തുടങ്ങിയ എന്നെ അവരു ഞെട്ടിച്ചു.
"ഞങ്ങള്‍ക്കൊന്നു അകത്തു കയറി പരിശോധിക്കാമോ?"

എന്റെ ദൈവമേ.. വേണ്ട എന്നു പറഞ്ഞാല്‍ ആകെ പുലിവാലാകും. ആയിക്കോട്ടെ എന്നു മനസ്സു നിറഞ്ഞു പറയാനും പറ്റണില്ല.. ജീവിതത്തില്‍ ആദ്യായിട്ടൊരു... ഇനിയിപ്പോള്‍ ആലോചിച്ചിട്ടു കാര്യമില്ല, തുറന്നു കൊടുത്തു. ചോദ്യങ്ങളെ നേരിടാന്‍ ഞാന്‍ തയ്യാറായി.

"ഇവിടെ ആരൊക്കെയുണ്ട്‌"

"ഇപ്പോള്‍ ഞാനും, മകളും മാത്രം"

"എന്നാല്‍ മോളെ വിളിക്കൂ.. കാണട്ടെ."

അവള്‍ ഫോണില്‍ തൊട്ടിട്ടു കൂടി ഇല്ല എന്നെനിയ്ക്കറിയാമെങ്കിലും.. അവരുടെ സംശയം എനിക്കു മനസ്സിലായി, കുട്ടിയെ എന്തെങ്കിലും ചെയ്തതുകൊണ്ടു അവള്‍ വിളിച്ചതാണോ എന്നറിയണം. അങ്ങനേയും സംഭവിക്കാമല്ലോ.

ഒരാള്‍ അവളേയും കൊണ്ട്‌ അടുത്ത മുറിയിലേയ്ക്കു പോയി, അടുത്തയാള്‍ നിന്നിരുന്ന മുറി വീക്ഷിക്കാന്‍ തുടങ്ങി. നല്ല പാതി ടെലികോം ഫീല്‍ഡില്‍ ആയതുകൊണ്ടു കുറെ ടെലിഫോണുകളും, ഒരു വോയിപ്‌ സിസ്റ്റവും കൊണ്ടു വച്ച്‌ ഡൈനിങ്‌ ടേബിള്‍ ഒരു ചെറിയ ടെലഫോണ്‍ എക്സ്‌ചേഞ്ജു പോലെ ആയിരുന്നു. പുള്ളിയുടെ ശ്രദ്ധ അതിലേയ്ക്കു തിരിഞ്ഞു ചോദ്യങ്ങള്‍ വന്നു തുടങ്ങിയപ്പോഴാണ്‌ അല്‍പം മുന്‍പുണ്ടായ ടെലഫോണ്‍ , ഇന്റെര്‍നെറ്റ്‌ പ്രശ്നത്തെപറ്റി ഞാന്‍ ബോധവതി ആയത്‌.

പിന്നെ അതെല്ലാം വിശദീകരിച്ചു, ഫോണും കൂടി ചെക്കു ചെയ്യണം എന്ന ആവശ്യത്തില്‍ എത്തിച്ചു കാര്യങ്ങള്‍ ഞാന്‍.എന്തായാലും കാര്യങ്ങള്‍ മനസ്സിലാക്കി, വിചാരിച്ചതു പോലെ പ്രശ്നങ്ങള്‍ ഒന്നുമില്ല എന്നു മനസ്സിലാക്കി , ഒരു നല്ല ദിവസം ആശംസിച്ചു അവരു പോയപ്പോഴേ എന്റെ വിറയല്‍ മാറിയുള്ളൂ.

പണ്ടാരോ പറഞ്ഞു കേട്ടിട്ടുണ്ട്‌"ഇതിലും വലുതെന്തോ വരാനിരുന്നതു, ഇതിലങ്ങു മാറിപ്പോയതാണ്‌" എന്നു. അങ്ങനെ സമാധാനിക്കാം ഏതായാലും. ശുക്രദശയല്ലേ എനിക്ക്‌!!

35 comments:

ബിന്ദു said...

ദാ.. നോക്കണേ... എന്റെ ശുക്രദശ !!:)

സു | Su said...

ഹി ഹി അതെ അതെ ഇതിലും വലുതെന്തോ വരാന്‍ ഉണ്ടായിരുന്നത് ഇതില്‍ നിന്നുപോയതാ. തിരക്കിനിടയില്‍ അകത്ത് കടക്കുന്നത് പോലീസോ കള്ളനോ എന്ന് നോക്കണേ. പിന്നെ ശുക്രന്‍ കണ്ണടച്ചു എന്നൊന്നും പറഞ്ഞിട്ട് കാര്യം ഉണ്ടാകില്ല.

ഇടിവാള്‍ said...

ബിന്ദൂ: ഒരു ഓഫ്‌ ടോപിക്ക്‌...
ദേശാടനം.. എന്നു കേട്ടപ്പോ മനസ്സ്‌ ഒന്നു തുടിച്ചു..... എന്റെ ഫേവറിറ്റ്‌ സിനിമയാ കേട്ടോ...
പണ്ട്‌ എന്നെ ഉറക്കാന്‍, എന്റഛന്‍ പാടിയിരുന്ന, "നീലക്കാര്‍മുകില്‍ വര്‍ണനന്നേരം..." എന്ന പാട്ട്‌, കൈതപ്രം കോപ്പിയടിച്ചു കേറ്റിയ ഫിലിം !

കുറുമാന്‍ said...

ബിന്ദുവേച്ചിയേ (അതോ അനുജത്തിയോ) എന്തായാലും പെങ്ങള്‍ പെങ്ങള്‍ തന്നെ....വായിച്ചിട്ടില്ല ഞാന്‍ കഥ എങ്കിലും, കൈതപ്രം കോപ്പിയടിച്ചൂന്നൊക്കെ കേട്ടപ്പോ ഒന്നു വന്നു നോക്കിയതാ, എന്താ സംഭവംന്ന്.......

നമുക്ക് ഇന്‍ വെസ്റ്റിഗേഷന്‍ റിപ്പോര്‍ട്ട് കിട്ടിയിട്ട് തീരുമാനിക്കാംട്ടോ.

നന്ദി ഫോര്‍ ഓ ടോ

ബിന്ദു said...

ഇടിവാളെ.. :) ദേശാടനം എന്ന പേരിടുമ്പോള്‍ ഞങ്ങളുടെ ദേശാടനം മാത്രേ മനസ്സിലുണ്ടായിരുന്നുള്ളൂ. ആ സിനിമ എനിക്കും ഫേവറൈറ്റ്‌, കല്യാണം കഴിഞ്ഞയിടയ്ക്കു കണ്ട സിനിമ !

സു:) ഞാനിനി വരുന്നവരോടു ഐഡി ചോദിക്കാം

കുറു..:) എത്ര വയസ്സായി എന്നു പറഞ്ഞാല്‍ ഞാന്‍ പറയാം;)

ബിന്ദു said...

വയസ്സിപ്പോള്‍ കണ്ടു, ഞാന്‍ അനിയത്തി തന്നെ :)

kuttan said...

Bindu chechi, Karyam enthayalum enikku vaichappol boradichilla.Eshdayinangu vechooluuu....

Adithyan said...

രസകരമായ വിവരണം... :)

911 എങ്ങനെ വിളിച്ചൂന്നു പറഞ്ഞില്ലല്ലോ... അഡ്മിന്‍ എന്നു കരുതി കുത്തിയത് അതായിരുന്നോ?

prapra said...

ശുക്രനില്‍ ഇതാണ്‌ സ്ഥിതിയെങ്കില്‍... ഞാന്‍ ഒന്നും പറയുന്നില്ലപ്പാ.
വണ്‍സ്‌ അപ്പോണേ ടൈം, എന്റെ അപാര്‍ട്ട്‌മെന്റിന്റെ വാതിലിലും വന്നു തട്ടി ഇടിമന്മാരായ രണ്ട്‌ സാറന്മാര്‍, പക്ഷേ "വഴിപോക്കന്‍.. വഴിപോക്കന്‍..." എന്ന് പറഞ്ഞ്‌ തിരിച്ച്‌ പോയി.

Inji Pennu said...

ബിന്ദൂട്ടി,
എന്റെ പോന്നെ അവരെ കണ്ടു വിറച്ചു പോയില്ലെ?
എന്റെ മൂന്നാം ക്ലാസ്സില്‍ പഠിക്കുന്ന കസിന്‍ ഇതുപോലെ ഒരു ദിവസം വഴക്കു പറഞ്ഞെന്നും പറഞ്ഞു 911 കേറി വിളിച്ചു കളഞ്ഞു. പോലിസിനെ കണ്ടതും ധൈര്യശാലിയായ എന്റെ അമ്മായി,വാ വിട്ട് കരയാന്‍ തുടങ്ങി. പിന്നെ പോലിസുകാര്‍ക്കു അവസാനം,അമ്മായിയെ ആശ്വസിപ്പിച്ചു, ഇനീം 911 ഒക്കെ വിളിച്ചു സാരില്ല്യാന്നു പറയണ്ട ഗതികേടു വന്നു..

ശനിയന്‍ \OvO/ Shaniyan said...

ഹാവൂ! ശുക്രന് ഒരു ശുക്രാന്‍ (ക-പ്പാ: ഗള്‍ഫുകാര്‍ക്ക്) പറഞ്ഞേക്കു ;-)

എഴുത്തു നന്നാവുന്നുണ്ട്.. ഇനിയും പോരട്ടേ..

Wv nre-nre-rq?

അരവിന്ദ് :: aravind said...

നന്നായിരിക്കുന്നു ബിന്ദൂസ് :-)
സരസമായ വിവരണം.

അജിത്‌ | Ajith said...

ബിന്ദുവേടത്തീ,
വരാനിരുന്ന ഇതിലും വലിയ എന്തോ ഒന്നു മാറി പോകുന്നതിന്റെ മുന്നോടിയായിട്ടായിരിക്കും ആ ഇടത്തേ കണ്ണു തുടിച്ചത്‌ ആയി ബിന്ദുവേടത്തിക്കു തോന്നിയത്‌ എന്നു എനിക്കു തോന്നുന്നു.
ഗണ്‍ഫൂഷന്‍ ആയോ?

ബിന്ദു said...

കുട്ടന്‍ :)നന്ദി. ഇതാരാണോ കുട്ടന്‍? ഇതില്‍ കമന്റ്‌ ഇടാനായി മാത്രം തുടങ്ങിയതുപോലെയുണ്ടല്ലോ ;) ബോറടിച്ചില്ലല്ലോ ല്ലേ?

ആദീ.. :) സത്യത്തില്‍ എന്താ സംഭവം എന്നു എനിക്കും പിടിയില്ല, എന്റെ ഊഹം, ഞാന്‍ കുറേ പ്രാവശ്യം ഡയല്‍ ചെയ്തപ്പോള്‍ എക്സ്ചേഞ്ജില്‍ അതെത്തുകയും, എനിക്കു റിംഗ്‌ കിട്ടാത്തതുകൊണ്ടു ഞാന്‍ കട്ടു ചെയ്യുകയും ചെയ്തപ്പോള്‍ ആരോ ട്രബിളില്‍ ആണെന്നൊ മറ്റൊ വിചാരിചു അവര്‍ പോലീസിനെ വിവരം അറിയിച്ചതാകം.

പ്രാ.പ്ര. :) എനിക്കിവിടെ ആദ്യായിട്ടാണു.

എല്‍.ജീസേ.. :) പേടിച്ചോ എന്നു ചോദിച്ചാല്‍.. അവരു അകത്തു കയറട്ടെ എന്നു പറഞ്ഞപ്പോള്‍ ഇത്തിരി.. കരഞ്ഞൊന്നും ഇല്ല.

ശനിയാ :) എനിക്കറിയാവുന്ന അറബി ഒക്കെ ഞാന്‍ എടുക്കണോ? എന്നിട്ടു വേണം..

അരവിന്ദ്‌ :) വളരെ സന്തോഷം. പണ്ടു ദേവന്‍ പറഞ്ഞ ഒരു കാര്യം ഓര്‍മ വരുന്നു ;)

അജിത്ത്‌..:) സന്തോഷം. ആയിരിക്കും, അതോ ചെറിയ ഒരു ടെന്‍ഷന്‍ ഒക്കെ തന്നിട്ടു വല്ല വലിയ സന്തോഷവും തരാനാവും ;)

വക്കാരിമഷ്‌ടാ said...

ഹ..ഹ.. ബിന്ദൂ.. അതിഷ്ടപ്പെട്ടു. രസമുള്ള വിവരണം. അല്ലാ, ഈ അണ്ണന്മാര്‍ വന്നാല്‍ വാതില്‍ തുറന്ന് അകത്തുകയറ്റണമെന്നുണ്ടോ? വാറണ്ട്, വാറുണ്ണി ഇതെല്ലാം വേണ്ടേ? ഇനി പറ്റീരുകാരാണെങ്കിലോ?

ടോട്ടല്‍ ഈസ് എ കോണ്‍‌സ്റ്റന്‍‌ന്റ് ആണ്. ഒരു കയറ്റത്തിന് ഒരിറക്കം. ഭയങ്കര ഫിലോസോഫിച്ചേച്ചിയാ...

ബിന്ദു said...

അകത്തു കയറാന്‍ നമ്മള്‍ പെര്‍മിഷന്‍ കൊടുക്കാതെ കയറില്ല, പക്ഷേ അതു കൂടുതല്‍ പ്രശ്നം ആയെങ്കിലോ എന്നു കരുതിയാണു വക്കാരിയേ.. 'റെസ്കെടുക്കാന്‍' ഞാനില്ലേ....
:)

വക്കാരിമഷ്‌ടാ said...

നമ്മുടെ നാട്ടിലൊക്കെ കാണുന്ന രീതിയില്‍ “എന്റെ കൊക്കിനു ജീവനുണ്ടെങ്കില്‍ (അതെന്താ, ഈ കൊക്കിന്റെ ജീവന്‍?) നിന്നെയൊന്നും ഞാന്‍ ഒരു പെരയ്ക്കകത്തു കയറാന്‍ സമ്മതിക്കില്ലെടാ‍“ എന്നൊക്കെയുള്ള ഒരു പ്രകടനം കാഴ്‌ചവെച്ചിരുന്നെങ്കില്‍.....


...കണ്ടോണ്ടിരിക്കാന്‍ നല്ല രസമായിരുന്നു :)

Kuttyedathi said...

അമ്പടി ബിന്ദൂട്ടി, ഇതെപ്പോ ഒപ്പിച്ചു ? ഞാനിപ്പൊളേ കണ്ടുള്ളൂ. :)

നല്ല രസായിട്ടുണ്ടല്ലോ വിവരണം. ഹാഹ.. എന്നിട്ടു പവിത്രക്കുട്ടിയെ അവരു ചോദ്യം ചെയ്തുവോ ? അമ്മ അടിച്ചോ എന്നൊക്കെ ചോദിച്ചുവോ ?

ഞാന്‍ രണ്ടു വട്ടം 911 വിളിച്ചിട്ടുണ്ട്‌. ഒന്ന് മന്‍ കിട്ണി സ്റ്റോണ്‍ വന്നലറി വിളിച്ചു ബാത്രൂമില്‍ പാതിരാത്രിയില്‍ ബോധം കെട്ടു വീണപ്പോള്‍. ഞങ്ങള്‍ രണ്ടു ദിവസം കൊണ്ട്‌ ആയിരത്തഞ്ഞൂറു മയില്‍ താണ്ടാനുള്ള ഒരു ഡ്രൈവിംഗ്‌ യജ്ഞത്തിനിടയില്‍ ഒന്നാം ദിവസം രാത്രിയില്‍, യാതോരു പരിചയവുമില്ലാത്ത ഡെസ്‌ മോയിന്‍സ്‌ എന്ന സ്ഥലത്തു ഹോട്ടലില്‍ രാത്രി തങ്ങിയപ്പോള്‍. ഹന്നമോളാണെങ്കില്‍ പൊടിയും. പോലീസ്‌ വന്നാണന്നു മനൂനെ എമര്‍ജന്‍സിയില്‍ കൊണ്ടോയത്‌. രാത്രി മുഴുവന്‍ ഞാനും ഹന്നയും എമര്‍ജന്‍സി റൂമിനു വെളിയില്‍ കുത്തിയിരുന്നു.

പിന്നെ മറ്റൊരു ലോങ്ങ്‌ ഡ്രൈവിനിടയില്‍ രണ്ടാം ദിവസം രാവിലെ നാലുമണിക്കു ഹൈവേയില്‍ തിരക്കില്ലാത്ത നേരം നോക്കി മയിലുകള്‍ താണ്ടാന്‍ പുറപ്പെട്ടതാ. ഫ്യൂവല്‍ ഇന്റികേറ്ററില്‍ നോക്കിയതേയില്ല, വണ്ടി പെരുവഴിയില്‍ നിന്നു പോകുന്ന വരെ. അടുത്ത എക്സിറ്റ്‌ 25 മയില്‍ അപ്പൂറത്തെന്നു വായിച്ച ഓര്‍മയുണ്ട്‌. എയ്റ്റീന്‍ വീലറുകള്‍ ചീറി പ്പായുന്നു. ഷോള്‍ടറില്‍ പാര്‍ക്കു ചെയ്ത അടച്ചിട്ട കാറിലിരുന്ന് അന്നും വിളിച്ചു 911. പോലീസ്‌ വന്നു , പോലീസിന്റെ കാറില്‍ മനുവിനെ കൂട്ടി പോയി, അടുത്ത ഗ്യാസ്‌ സ്റ്റേഷന്‍ വരെ പോകാന്‍ വേണ്ട ഫ്യൂവലും വാങ്ങി അതൊഴിച്ചു തന്നു പോയി.

നല്ല അനുഭവങ്ങള്‍ മാത്രം, എനിക്ക്‌ പോലീസില്‍ നിന്നിതുവരെ :))

സന്തോഷ് said...

എന്‍റെ റൂം മേയ്‍റ്റും ഞാനും പിന്നെ ഏഴെട്ടു കൂട്ടുകാരുമായി പാതിരാത്രി ക്രിക്കറ്റു കാണുന്നു. ആവേശം ആകാശത്തോളമുയര്‍ന്നപ്പോളാവണം അയല്‍ക്കാര്‍ പോലീസിനെ വിളിച്ചത്.

വാതിലില്‍ മുട്ടു കേട്ടപ്പോള്‍ തുറക്കാന്‍ പോയ സുഹൃത്തിന്‍റെ പൊടിപോലുമില്ല കണ്ടുപിടിക്കാന്‍. അന്വേഷിച്ചുചെന്നപ്പോള്‍ തോക്കിന്‍ മുനയില്‍ നല്ല പരിചയമുള്ള ഒരു തല.

ഇനി ശബ്ദം പുറത്തുകേള്‍ക്കാതെ കണ്ടോളാമേ എന്നു പറഞ്ഞാണയിട്ടു. അരമണിക്കൂര്‍ കൂട്ടിനിരുന്ന് അഞ്ചാറു ഫോറും ഒരു സിക്സും കണ്ടിട്ടേ--നമ്മള്‍ അടങ്ങിയൊതുങ്ങി കാണുന്നുണ്ടെന്നുറപ്പാക്കാന്‍, അല്ലാതെ കളി പെരുത്തിഷ്ടമായിട്ടല്ല--ലവന്മാരു പോയുള്ളൂ.

ലൈസന്‍സ് ചോദിച്ചപ്പോള്‍ ഒന്നും മിണ്ടാതെ ബെഡ് റൂമിലേയ്ക്ക് പോയതിനാണത്രേ തോക്കു പുറത്തെടുത്തത്. എന്നാ, ദാ, ഇപ്പം കൊണ്ട്വരാം എന്നു പറഞ്ഞിട്ട് പൊയ്ക്കൂടാരുന്നോടാ --മോനേ എന്ന് ഞങ്ങള്‍. പറഞ്ഞിട്ട് പോകാന്‍ ഞാന്‍ യാത്ര പോകുകയായിരുന്നില്ലല്ലോ എന്നു സുഹൃത്ത്. മദ്യ ലഹരിയിലായതിനാല്‍ ഞങ്ങളങ്ങു ക്ഷമിച്ചു.

നല്ല എഴുത്ത്, ബിന്ദൂ!

വഴിപോക്കന്‍ said...

“കൊക്കിന്” അല്ല വക്കാരി “കൊക്കില് ജീവനുണ്ടെങ്കില്‍” എന്നാണ് പ്രയോഗം.. :)

ബിന്ദുവിന്റെ വിവരണം നന്നായി .. :)

വക്കാരിമഷ്‌ടാ said...

ഓ, കൊക്കില് ആയിരുന്നോ..? നന്ദി വഴിപോക്കാ.. അതല്ലേ ഞാനെപ്പോഴും ആ ഡയലോഗടിക്കുമ്പോള്‍ ആരും മൈന്‍ഡ് ചെയ്യാതിരുന്നത് :)

കുട്ട്യേടത്ത്യേ, വണ്ടിയുടെ ഗ്യാസു പോയാല്‍ ആ ആ ഇ ഈ യെയും വിളിക്കാറില്ലേ അന്നാട്ടില്‍?

യാത്രികന്‍ said...

ബിന്ദ്വോപ്പോളെ
അപ്പോ 'ഇതു താന്‍ടാ പോലിസ്‌' ല്ലേ? പക്ഷെ ഞാന്‍ കണ്ട പോലീസ്‌ ഇതൊന്നും അല്ല ട്ടോ ;)
ഇതെപ്പൊ പോസ്റ്റി?ഇന്ന് അവിടന്ന് കൂട്ടുകാരി വിളിച്ചു പറഞ്ഞപ്പോളെ ഞാന്‍ കണ്ടുള്ളു,3-4 ദിവസായിട്ടു ഇവിടെ നെറ്റും ണ്ടാര്‍ന്നില്ല.
അന്നു വക്കാരി പറഞ്ഞതു പോലെ ഓപ്പൊളും പറഞ്ഞില്ലെ (എല്ലാം കൂടി ഒരുമിച്ചെഴുത്യാല്‍ ഉറവ വറ്റി പോകും ന്നു),അതല്ല ട്ടൊ എന്റെ നിശബ്ദതയുടെ കാര്യം...

എന്തായാലും പോസ്റ്റിംഗ്‌ കലക്കി.ഇനി ഒന്നേ അറിയാന്‍ ള്ളു,നല്ല പാതി എപ്പ്ലാ ഇതു ഡിസ്‌ കണ്ണക്റ്റ്‌ ചെയ്യണെ ന്നു ;)

യാത്രികന്‍

::പുല്ലൂരാൻ:: said...

bindu oppole..
sukradasa ippolaa vaayiche..
rasamaayi ezhuthiyittundallo.. nannayirikkunnu.

കുറുമാന്‍ said...

ബിന്ദു അനിയത്തിയേ (ഞങ്ങള്‍ മൂന്നാണ്മക്കള്‍, ഇളയത് ഞാന്‍, എന്റെ അച്ഛനൊരേ ഒരു പെങ്ങള്‍, അവര്‍ക്ക് അഞ്ചു പെണ്മക്കള്‍, അവരെല്ലാം എന്നേക്കാള്‍ മൂത്തവര്‍,ആയതിനാല്‍ ചേച്ചിമാര്‍ ഇഷ്ടം പോലെ, പക്ഷെ അനിയത്തിമാര്‍ നോ വേ. ആദ്യമായി ഒരനിയത്ത്യേ കിട്ടിയ സന്തോഷത്തിലാ ബിന്ദുവേ ഞാന്‍.......വിളിക്കട്ടെ അനിയത്തീന്ന്?)

അവള്‍ ഫോണില്‍ തൊട്ടിട്ടു കൂടി ഇല്ല എന്നെനിയ്ക്കറിയാമെങ്കിലും.. അവരുടെ സംശയം എനിക്കു മനസ്സിലായി, കുട്ടിയെ എന്തെങ്കിലും ചെയ്തതുകൊണ്ടു അവള്‍ വിളിച്ചതാണോ എന്നറിയണം. അങ്ങനേയും സംഭവിക്കാമല്ലോ. - കലി കാലം, കലി കാലം, ഈയൊരു ടെന്‍ഷന്‍, യൂറോപ്പിലും, യു എസ്സിലും മാത്രമേ ഉള്ളൂന്നാണെന്റെ തോന്നല്‍.

എന്തായാലും വിവരണം നന്നായീട്ടോ

സ്നേഹിതന്‍ said...

911 വിളിയ്ക്കേണ്ടി വരികയെന്നത് ശനിദശ, വിളിച്ചാലുടന്‍ സഹായമെത്തുകയെന്നുള്ളത് ശുക്രദശ. ഇത് ശനിദശയോ, ശുക്രദശയോ അതൊ രണ്ടും കൂടിയതൊ :)
ശുക്രദശ കൊള്ളാം.

ബിന്ദു said...

വക്കാരീ.. :) എന്നെ തല്ലു കൊള്ളിച്ചേ അടങ്ങൂ ല്ലേ?? ;-)

കുട്ടിയേടത്തീ.. :) ഇതു കഴിഞ്ഞ തിങ്കളാഴ്ച്ച നടന്നതാണ്‌. എനിക്കും മോശം അഭിപ്രായം ഒന്നുമില്ല, മര്യാദയ്ക്കു തന്നെയായിരുന്നു. എന്നാലും രാത്രിയില്‍ പരിചയമില്ലാത്തിടത്തു.... പേടിച്ചു പോയിരുന്നോ?? (അതെന്തൊരു ചോദ്യമാ ല്ലേ?)

സന്തോഷ്‌ ് ..:) സന്തോഷം. അപ്പോള്‍ അന്നെങ്ങാനും അവര്‍ക്കതൊന്നുപയോഗിക്കാന്‍ തോന്നിയിരുന്നെങ്കില്‍.......

വഴിപോക്കാ :) നന്ദി.

യാത്രിക. :) എല്ലാം പെട്ടെന്നായിരുന്നു, അറിയിക്കാന്‍ പറ്റിയില്ല ;-)

പുല്ലൂര്‍. :) ബ്ലോഗിലേക്കൊക്കെ വരവുണ്ടോ? അതോ???

കുറു. :) എന്റെ ഈശ്വരാ... ഇതു ഇന്നലെ കവിത എഴുതാനിരുന്നപ്പോള്‍ എഴുതിയതാണോ?? എന്തായാലും അനിയത്തി തന്നെ ട്ടോ..

സ്നേഹിതാ :)ശനിദശ കഴിഞ്ഞാണു ശുക്രന്‍. അതുകൊണ്ടു പറഞ്ഞതുപോലെ ആവും
;-)

Satheesh :: സതീഷ് said...

കുറു പറഞ്ഞത് ശരിയാ.. US ലും യൂറോപ്പിലും മാത്രേ ഈ പ്രശ്നമുള്ളൂന്ന് തോന്നുന്നു.മുമ്പ് കൂടെ വര്‍ക്ക് ചെയ്തിരുന്ന ഒരുത്തന്റെ കുഞ്ഞ് രാത്രി വാശി പിടിച്ച് കരഞ്ഞപ്പോള്‍‍ അയലോക്കക്കാരി 911 വിളിച്ച് ‘സഹായിച്ച‘ കഥ പറഞ്ഞുകേട്ടിരുന്നു..നാട്ടിലെത്തിയിട്ട് വേണം അവനിട്ട് നാലു പൊട്ടിക്കാന്‍ എന്നുള്ള ആത്മഗതവും!
നാട്ടില്‍ ചിലര്‍ കല്യാണം ക്ഷണിക്കാന്‍ വന്നിട്ട് നാട്ടിലെ സകല വിശേഷവും പറഞ്ഞിട്ട് അവസാനം ക്ഷണിക്കാന്‍ മറന്ന് തിരിച്ച് പോകാറില്ലേ, ഏകദേശം അതു പോലെ, വന്ന കാര്യം പറയാന്‍ മറന്ന് പോയി. ബിന്ദൂ നന്നായി വിവരിച്ചിരിക്കുന്നു.നല്ല പോസ്റ്റ്..

ബിന്ദു said...

അതുപോലെ ഒരു കഥ ഇവിടേയും ഒരു മലയാളീ ടീച്ചര്‍ പറഞ്ഞു കേട്ടിട്ടുണ്ട്‌. കയ്യിലെ പാടു കണ്ടു ഒരു ടീച്ചര്‍ കാരണം ചോദിച്ചെന്നും, കുട്ടി നടന്ന കാര്യം പറഞ്ഞെന്നും, അങ്ങനെ അച്ഛന്റെ പേരില്‍ കേസു കൊടുക്കാന്‍ ടീച്ചര്‍ തന്നെ സഹായിച്ചെന്നും. ഏതായാലും കേസു തീര്‍ന്നാല്‍ ഉടന്‍ തന്നെ അവരു തിരിച്ചു പോകും, എയര്‍പോര്‍ട്ടില്‍ കാലുകുത്തിയാല്‍ ഉടന്‍ തന്നെ നല്ലൊരെണ്ണം കൊച്ചിനിട്ടു കോടുത്തിട്ടേ അടുത്ത സ്റ്റെപ്പു വയ്ക്കുക ഉള്ളൂ എന്നും.

വഴിപോക്കന്‍ said...

മാത്രമല്ല റ്റീച്ചറ് കണ്ടിട്ട് റിപ്പൊര്‍ട് ചെയ്തില്ലെങ്കില്‍ റ്റീച്ചറുടെ പേരിലും കേസുണ്ട്...

said...

എല്ലാവരും പറയുന്നു 911 ഭീമ തരുന്നു 911. അങ്ങനെ എന്തോ ഒരു പരസ്യം ഇല്ല്യേ?

നന്നായിരിക്കുണൂ ട്ടൊ

വികടന്‍ said...

സത്യത്തില്‍ എന്തായിരുന്നു ആ വരവിന്റെ ഉദ്ദേശം ? ശെരിക്കും ആങ്ങട്‌ പിടികിട്ടീല്യാലോ ഓപ്പോളേ...

ബിന്ദു said...

വഴിപോക്കാ.. :) ശരിയാണ്‌.

ഋ :) എന്തൊരു പാടാണീ
പേരെഴുതാന്‍ ;) ഭീമ കൊടുക്കുന്നതു 916 അല്ലേ?

വികടാ :) പോസ്റ്റും കമ്മന്റുകളും വായിച്ചിട്ടും പിടികിട്ടിയില്ലേ?
ഞാന്‍ പല പ്രാവശ്യം വിളിച്ചു, ഡയല്‍ ടോണ്‍ കേള്‍ക്കാതെ കട്ടു ചെയ്തപ്പോള്‍ എക്സ്ചേഞ്ചില്‍ നിന്നു പോലീസിലേക്കു ഇന്‍ഫോര്‍മേഷന്‍ കൊടുത്തുകാണും, ആരോ കുഴപ്പത്തില്‍ ആണെന്നു, അതാവും. അവരോടു ചോദിക്കാന്‍ എനിക്കു പേടിയായിരുന്നു. ഇതു ഞാന്‍ ഊഹിച്ചതാണ്‌, ഇവിടെ അങ്ങനെയൊക്കെ പതിവുണ്ട്‌. കുട്ടിയെ എന്തെങ്കിലും ചെയ്തിട്ടു കുട്ടി നമ്പര്‍ അറിയാതെയൊ മറ്റോ... അങ്ങനെ എന്തെങ്കിലും ആവാം.

വക്കാരിമഷ്‌ടാ said...

ഞാന്‍ വെറും കൂളായി ഇറു എന്നെഴുതും ബിന്ദൂ :)

Adithyan said...

ഞാന്‍ വെറും കൂളായി വക്കാരിയെ ഒന്നു നമിയ്ക്കും.. :)

വക്കാരീ ഇങ്ങളാണു താരം :)

(വെല്ലി താമസമില്ലാതെ എല്ലാരും എന്നെ കമന്റിടുന്നതില്‍ നിന്നും വിലക്കുന്ന എല്ലാ ലക്ഷണവും ഞാന്‍ കാണുന്നുണ്ട്.) ;)

Hydrocodone said...

tzG544 The best blog you have!